زي ما مكتوب في العنوان هل الانسان ممكن يبيض؟؟؟
هجوبكم بكل صراحه للاسف ايوه الانسان ممكن يبيض..بس مش البيض الي احنا نعرفه
........ده بيض من نوع جديد...سمعنا في الفتره الي فاتت الكلمات دي بتتردد كتير(وخصوصا في الجامعات المصريه)
بيجي شاب يقولك استلقي البيضه..اواسمع البيضه دي ..(البيضه هنعرفها بعدين)
او يصف الناس شخص بانه بضين..(بضين هو شخص دماغه فاضيه وكلامه كلو البطيخ)
او واحد يقولك الولد ده بضني..(بضني معناها سمعني حاجات تافها وخنقني من كلامه)
تعريف شكل بيضة الانسان/ بتبقي عباره عن نكته بيخه ورزله قوي والمقصود منها مش انها تضحكك لاكن المقصود منها انها تضيئقك...اوتشلك...اوتجيبلك جلطه
ـــ ومش النكت بس ...لا في حاجات كتيرممكن الشخص يقولها وتعتبر بيضه بيبضها عليك.......فمثلا ممكن واحد يكتب موضوع بايخ وكتبه بس عشان ينزل موضوع وخلاص وكل الي يقراه يبقي هيطق من صاحب الموضوع..فايبقي كدا العضو ده بيبيض علي الاعضاء ...والمصيبه الاكبر ان المشرفين مبيحزفوش الموضوع فيبقي المشرفين كمان بيبيضو علي الاعضاء.....(ملحوظه الامثله دي الحمدلله مش موجوده في منتدانا بس لو اتلطشت في دماغك ونخربت في المنتديات هتلاقي منها كتير)
والي فيكم مسمعش عن البيض ده يفتكر اعلان (ميلودي افلام) لما كانوا بيجيبو واحد يقول نكت بيخه وبطل اعلانات ميلودي كان بيضربو ...وكان معاه نظاره بيشوف بيها الانسان علي شكل بيضه.....وبعد ما يضربه كانوا بيجيبوا بيضه مكسوره..
ازاي تقدر تبيض؟؟امثله
اول بيضه(صدق او لا تصدق ان الانسان يتنفس من مناخيروه بعكس الاسماك تتنفس من الخياشيم ) اهي دي بيضه لان صدق او لاتصدق ييجي بعديها الاشياء الغريبه والمكتشفه اما الي انا قولته حقائق ..البيضه التانيه(اني شرحت لكم البيضه الاولي)
في البيفضه الثالثه والرابعه هنطبق القاعده دي (تظروفني بيضه هظرفك بيضه)
البيضه التالته..(شخص جي يفرجك علي حاجه ويقولك شايف دي تقولو لا اصل حاسة الشم عندي ضعيفه)....البيضه الرابعه (انه قالك شايف دي طيب هو انته اعمي)...وبكدا يبقي طبقنا قاعد ة تظروفني بيضه هظروفك بيضه
ونستنتج من كل الي فات ــــ ان الانسان فعلا بـيبـيض.....
الاسئله الي محيراني ؟؟؟؟عايزكم تفكروا فيها معيها
س1 هل الموضوع ده ممكن بعد كدا يفـقس؟؟؟
س2 كام بيضه ممكن يعملها الانسان في اليوم؟؟؟
س3 يااا هل انا بالموضوع ده ممكن اكون ببيض عليكم؟؟؟
-----------------------------------------------------
واخيرا
(((اي عضو ها يقراء الموضوع وميعلقش عليه يعتبر بـيـبيض عليه)))
حتي لو الموضوع مش عجبك اذكر السبب !!!
الرئيسية 
موضوع: هل الانسان ممكن يبيض