هاااااااى عليكم يا أحلى بنوتات

ندخل ف الموضوع ع طول
كتير اوي من البنات مش بيعرفوا ينشروا الغسيل بييجوا ينشروه نلاقي مثلا غسيل متنشر كله علي بعضه
البنطلون الجينيز مثلا متعلق من وسطه به 25 مشبك شكله يضحك والشربات كل
فرده لوحدها من الاستيك بتاعها والقميص متنشر من الزراير والاندر وير
متنشر علي عينك يا تاجر

ازاي ننشر الغسيل بتاعنا؟؟؟
انشري الغسيل بانتظام لان طريقة نشر غسيلك تبين ان كانت الست دي منظمه ولا لا وان كانت نضيفه في بيتها ولا

ننشر الغسيل القصير قدام والطويل ورا يبقي الملايات ورا والبنطلونات قبلها
والفانلات قبلها وهدوم الاطفال علي اول حبل ولوكان هناك ابيض يبقي في
الاول وبرضه الفانلات مع بعضها ولوفيه الوان يبقي في الصف الاخير
والغيارات الداخليه من جوه علشان ميبنش ولازم ياخد الشمس علشان صحتك

ولوعندنا بنطالونات يبقي ننشرها من رجلها والعبايات من اطرافها ولو بلفرات
من الوسط تحت الاكتاف وتتمسك بالمشابك واحسن وقت ننشر فيه الغسيل وقت
الشمس لفايدتها في القضاء علي الميكروبات التي لا نراها بالعين

وبس كده ومره بمره هنبقى برفكت ف نشر الغسيل
ده انا فاكره وانا صغيره كنت اتحايل ع ماما انشر الغسيل يومها كنت بلاقى
الشارع تحت البلكونه كله عمال انقاذ لان كنت قصيره وببقى انا ال متنشره ع
الحبل مع الغسيل ومش هحكيلكم كان بيبقى منظر الغسيل عامل ايه

يالا اسبكم بقا ويارب اكون افدتكم